الساعه دلوقتى 10:55 صباحا
متأخره شويه انى اقول صباح الخير دلوقتى
يالا مش مشكله نقولها للناس اللى لسه صاحين بما ان انهارده السبت واجازه
و العاده اللى ملهاش مبرر ان الشخص يصحى في يوم الاجازه قرب صلاه الضهر ..ليه ؟؟ عشان انهارده اجازه
مش موضوعنا دلوقتى انهارده اجازه ولا نصحي بدرى ولا متأخر..احنا مالنا
خلينا في الكلمه الجميله دى .."صباح الخير" الله كلمه حلوه فعلا
يعنى الواحد يصبح كده على خير يا سلام
و يا سلام بقي لو الخير ده هو اللى يعمله..يا حلاوه يا ولاد
اهه والله الخير ده من اجمل الحاجات اللى في الدنيا
عارفين بيت الشعر اللى بيقوله عبد الله بن مبارك رضي الله عنه:
يد المعروف غنمٌ حيث كانت ... تحمَّلها شكورٌ أو كفـور
ففي شكر الشَّكور لها جزاءٌ ... وعند الله ما كفر الكفـور
انتوا عارفين يا جماعه من اكتر الحاجات اللى اتعلمتها الفتره اللى فاتت
وفرقت معايا نفسيا و معنويا و حسيا جامد
انى اعمل خير بس لوجه الله
يعنى اللى بتعمله الخير ده شخص كرمك قبل كده وعاوز تردهاله
او شخص ميستهالش وبيستغلك وخلاص
او شخص ملكش مصلحه معاه
توء توء
سيبك انت ..انت حد كويس وبتعامل ربنا
شوف الكلمه الحلوه دى ..بتعامل مين ؟؟
يتعامل ربنا ..سبحان الله
لا تقولى انسان يستهال ولا ميستهالش يا عم وانا مالى
انا بعاملك انت يا رب
لان انت احسن من كل دوووول ..انت ربي وانت حبيبى وانتى اللى هتجزينى على اللى انا بعمله ده وانا مش عاوزه غير رضاك انت وبس
عارفين انا بقول كده ليه
علشان احنا امه الخير جوانا و في دمنا ..وكما قال الرسول صلي الله عليه وسلم
الخير فى وفى امتى الى يوم الدين
انتوا تعرفوا الشخص ممكن يعمل خير في كل لحظه في حياته
كل ثانيه بتعدى عليك ممكن تعمل فيها خير
اما تزكر ربنا
اما تكتم غيظك
اما تساعد حد
اما تشيل اذاى من الطرق
اما تكلم حد تسأل عليه
اما تتعلم و تفيد نفسك
اما توطى وتبوس ايد ولدتك او ولدك
واما ..واما...واما....
واما ..واما...واما....
شفتوا بقي ان الخير ده بأيدينا
وزى ما في قصيدة المواكب
لجبران خليل جبران بيقول فيها ايه
لجبران خليل جبران بيقول فيها ايه
الخيرُ في الناسِ مصنوعٌ اذا جُبروا
و الشرُّ في الناسِ لا يفنى وإِن قُبروا
و الشرُّ في الناسِ لا يفنى وإِن قُبروا
عاوزه اختم بحديث الرسول صلي الله عليه وسلم
(إن الله كتب الإحسان على كل شيء)
(إن الله كتب الإحسان على كل شيء)
يا ريت يا جماعه نحسن ونتقن كل أمر نقوم به
في حق الله ثم حق أنفسنا ثم في حق الناس اللى عايشين معاهم
في حق الله ثم حق أنفسنا ثم في حق الناس اللى عايشين معاهم
ربنا يهدينا ليه ولطاعته فهو ولي ذلك والقادر عليه
السلام عليكم
ليست هناك تعليقات:
إرسال تعليق