ايه بزغرط عادى يعنى
هو صحيح محدش يعرف المدونه هنا وانا اصلا مبعتهاش غبر لصحبتينى اميره حمدى وامنه
واللى لحد دلوقتى معبرونيش بكومنت اهبل من اى واحده فيهم ماشي يا اميره انتى وامنه مااااااااااشي
بس ده برده ميمنعش انى افضفض هنا براحته يعنى
شوفتوا حصل انهارده !!!!!!!!!
فوفا..وفاااااااااء صاحبتى اتصلت بيا
اكيد يعنى انا مش هبله عشان اقولكم ان وفاء اتصلت بيا وايه يعنى ما اغور انا وفاء
بس الموفاجأه ايه بقي؟؟؟؟؟؟
وفاء خطوبتها يوم الاتنين
ايوه يا جماعه
وفاء هتتخطب ..تصدقوا بالله
لا اله الا الله
انا لحد دلوقتى مش مصدقه
وحاسه يا جدعان انى زى ما تقولوا كده عندى صدمه كهربيه
عارفين الاعلان بتاع دوريتوز اللى بيقولك طعمها ايه
فهوبا اللى تلاقيه اترمى في المياه واللى تلاقيه استلاقي شويه كهربا في صدره
اهو انا حاسه بقي انى كلت كرتونه دوريتوز
مصدومه و فرحانه وعاوزه ازغرط وارقص ومش قادره اصبر ليوم الاتنين
يا نهاااااااااااااااااار ابيض يا جدعان ده انا هاعمل عمايل في اليوم ده لو ربنا احيانى
فوفا يا تخيل لما حد من اعز اصحابك في الكليه ومن الناس المحترمه اللى انت عارفهم في حياتك يتتخطب
يا ترى يا فوفا هتعاملينا ازاى بعد الخطوبه
يا سلام يا سلام
يالا انا قولت مينفعش افوت اليوم ده من غير ما افولكم على حاجه زى دى يعنى
ربنا يتمملها بخير يا رب وعقبال كل البنوات والبنانين يا رب
الى اللقاء
سلامو عليكووووووووو
